Gure Ikuskizunak
Ross Dantza Eskolan ikasturte amaierako emanaldi gisa ikuskizun desberdinak sortu ditugu.
Charlie eta Txokolatezko Fabrika
Wonka jaunak bost Urrezko Txartel ezkutatu ditu bere txokolate-tabletetan. Txartel horiek aurkitzeko zortea dutenek haren txokolate-lantegi miresgarria bisitatuko dute.
Charliek, bere aiton-amonekin etxe apal batean bizi den umetxo batek, zorionez, txartel horietako bat aurkituko du. Beste lau umeekin batera, bere ametsik handiena beteko du: Wonka jauna ezagutzea.
Bost haur eta bere gurasoak txokolatezko erreka, karamelozko eraikin eta pertsonaia bitxiz betetako bidaia harrigarri batean murgilduko dira. Prest zaude txokolatezko fabrika bitxi honen sekretuak ikusteko?
Tim Burtonek eginiko pelikulan oinarritzen den jazz musikala da hau.
Burlesque
Behar du nonbait, Ali, ahots zoragarridun herriko neskatxak bere helburuak bete eta ametsak jarraitzeko toki bat.
Iragan zail bati izkin eginez ametsen hirira bidaiatuko du, Los Angelesera. Bertan aurkituko du Burlesque, aro zaila pasatzen ari den arren aldizkari musikal berezi baten sortzaile den antzerki ikaragarria. Jack ezagutuko du bertan eta antzerkian bertan lan egiteko gogoa adieraziko dio. Honek Tess, clubeko jabe zintzo eta glamorosarengana zuzenduko du edari zerbitzari bezala lanean jartzeko. Ordutik, Aliren helburu bakarra, bere nagusiari eszenatoki gainean gainontzeko artistekin lan egiteko talentua duela erakustea izango da.
